Søkeresultater for Stryn Kyrkjelege Fellesråd

Oppdragsgjevar vil med denne anskaffinga inngå avtale med ein leverandør for omlegging av tak, utbetring av råteskader i klokketårn, rehabilitering av vindauge og dør mot sør, som beskrive i Tilstand og tilrådde tiltak (vedlegg). Tiltaka skal gjennomførast med tilskot frå Riksantikvaren og må fullt ut fylgje dei føringar som ligg til grunn frå denne instansen. Ein føreset endeleg godkjenning frå Riksantikvaren før avtale vert signert.

Innvik kyrkje er ei åttekanta trekyrkje frå 1824 og er listeført som særleg verneverdig. Det gamle teglsteintaket er svært dårleg og taket må totalrenoverast. Etter handsaming av søknaden hos Riksantikvaren vert det no lagt opp til å bevare så mykje som mogleg av det gamle teglet. Det skal etter demontering, kvalitetstesting og reingjering leggast tilbake så mykje av den gamle taksteinen som er intakt, og så supplere med ny takstein – enten ein får tak i brukt stein av same type eller bruker heilt ny stein som har utsjånad som gammal tegl. Det skal leggast nye sløyfer og lekter og diffusjonsopen papp på eksisterande undertak (tro), samt tilhøyrande trong for utskifting av vindski-bord.Det er påvist moderate roteskader i treverket, men omfanget er usikkert. Etter demontering av takstein skal undertaket og øvrige takkonstruksjonar inspiserast, og påviste roteskader skal utbetrast. Takrenner skal monterast etter rettleiing av Riksantikvaren. Syner elles til konkurransegrunnlaget.