Anbudsoversikt for Dialogkonferanse for røntgensystem til Vestland fylkeskommune

Hordaland og Sogn og Fjordane fylkeskommunar inviterer aktuelle tilbydarar til ein-til-ein dialogkonferanse om nytt røntgensystem for tannhelsetenesta i nye Vestland fylkeskommune. Den nye fylkeskommunen vil ha om lag 60 tannklinikkar og eit kompetansesenter. Estimert start for kontrakten er hausten 2020. Den nye fylkeskommunen treng nytt røntgen- og bildesystem som er raskt og brukarvenleg. Systemet skal oppfylle lovpålagte krav i forhold til sikkerhet og personvern. Programmet skal brukast til dokumentasjon, diagnostikk, måling og planlegging ved odontologisk behandling. Programmet skal saumlaust integrerast mot elektronisk pasientjournal. Det er ønskjeleg med ei fleksibel og framtidsretta løysing. Fylkeskommunane ønskjer aktuelle tilbydarar sine innspel på mogelege løysingar for ein stor fylkeskommune.