TittelRammeavtale om drift, vedlikehald og reparasjon av eksisterande veglys, samt utviding av veglysanlegg Tildelingskriterium 1Pris
Leverandør skal fylle ut Rammeavtalens Vedlegg 2 «Pris og prisvilkår».
I evalueringa av tilbod vil Oppdragsgjevar rekne ut ei handlekurv beståande av følgjande:
• Påslag på lyskjelde og armatur, jf. punkt 3 «Prisar drift og vedlikehald av eksisterande veglys». Under evalueringa vil Oppdragsgjevar leggje til grunn påslaget på ei bestilling på 2.000.000,- ekskl. mva.
• Einingspris for 1U og 2U under punkt 4 «Prisar utviding av veglysanlegg». Under evalueringa vil Oppdragsgjevar for posten 1U multiplisere tilboden pris for 4 M med 20, for 6 M med 30, for 8 M med 30 og for 10 M med 15. For posten 2U vil tilboden pris bli multiplisert med 5 for både 230V og 400V fordelingsskap/tennskap.
• Timeprisar for definerte kategoriar, jf. punkt 5 «Timeprisar».
Under evalueringa vil Oppdragsgjevar multiplisere timeprisane slik:
o Trafikkavvikling manuell dirigering, 100 timar
o Trafikkavvikling med ledebil, 100 timar
o Montør/fagarbeidar, 900 timar
o Ingeniør, 200 timar
o Lærling, 150 timar
o Servicebil med lift og montør, 900 timar
o Lastebil med kran, 90 timar
• Påslag på anna materiell, jf. punkt 6 «Anna materiell». Under evalueringa vil Oppdragsgjevar leggje til grunn påslaget på ei bestilling på 200.000,- ekskl. mva.
Prisen for grøftegraving som opsjon, jf. punkt 8 «Opsjon – Grøftegraving» vil ikkje inngå i evalueringa av pris.
Leverandør vil få ein score på mellom 1 – 10 for dette tildelingskriteriet. Ved samanlikninga av tilbod vil Oppdragsgjevar nytte ein lineær modell.
Tildelingskriterium 2Miljø
Leverandør bør aktivt jobbe med å redusere sitt klimaavtrykk ved utføringa av arbeid for Oppdragsgjevar.
Leverandør skal levere ei skildring på maks to A4- sider av tiltak og rutinar leverandør har innarbeida i si verksemd for åredusere klimaavtrykket ved arbeid med veglys for Oppdragsgjevar.
Skildringa bør som eit minimum innehalde:
- Rutinar og tiltak for korleis leverandøren generelt jobbar med å ivareta miljø og berekraft i si verksemd. Innarbeidde rutinar vil telle positivt, for eksempel sertifiseringar som fyrtårn eller liknande.
- Kva køyretøy leverandøren vil bruke under oppdrag for Oppdragsgjevar. For liftbil og lastebil med kran vil høgaste euroklasse telle positivt, og for varebilar/personbilar vil bruk av el- køyretøy telle positivt.
- Typen arbeidstøy leverandørens personell vil bruke i arbeid med veglys. Bruk av tøy med gode miljømessige eigenskapar tel positivt, for eksempel miljøsertifisert arbeidstøy.
- Rutine og praksis knytt til avhending og deponering av armaturar, emballasje og anna avfall. Konkrete rutinar som sikrar miljømessig avhending vil telle positivt, inkludert resirkulering og ombruk der det er mogleg.
Lista er ikkje uttømmande. Dersom leverandør har andre tiltak og rutinar som er eigna til å redusere klimaavtrykk ved utføring av arbeid for Oppdragsgjevar bør det også takast med i skildringa.
Oppdragsgjevar vil foreta ei samla vurdering av leverandørens skildring, basert på dei fire strekpunkta nemnt ovanfor og eventuelt andre tiltak og rutinar leverandøren har beskrive.
Leverandør vil få ein score på mellom 1 – 10 for dette tildelingskriteriet.
Tildelingskriterium 3Kvalitet
Kvalitet, fordelt på underkriterium:
- Tenestenivå (50 %)
- Sortimentsbredde (50 %)
Tildelingskriteriet kvalitet er delt inn i underkriteria «Tenestenivå» og «Sortimentsbredde», begge vekta 50 %.
For underkriteriet «Tenestenivå» skal leverandør opplyse om tilboden responstid og utrykkingstid i Rammeavtalen Vedlegg 1 kapittel 7 «Tenestenivå». I evalueringa vil tilboden utrykkingstid ha størst betydning.
For underkriteriet «Sortimentsbredde» skal leverandør som eit eige vedlegg til tilbodet levere ei oversikt over dei ulike typane lyskjelder og armaturar leverandør tilbyr. I denne samanheng vil Kunden blant anna leggje vekt på om leverandør som ein del av sortimentet kan tilby same typar armatur og lyskjelder som Oppdragsgjevar brukar ved avtalestart, Rammeavtalen jf. Vedlegg 2, Bilag 1 «Oversikt armatur og lyskjelder ved avtalestart». Under evalueringa vil Oppdragsgjevar leggje vekt på bredda i tilbode sortiment.
Leverandør vil få ein score på mellom 1 – 10 for kvart underkriterium, basert på ei samla vurdering av leverandørens svar. Samla score for tildelingskriteriet reknast ut ved å addere vekta score for begge underkriteria.