Anbudsoversikt for Drift av hurtigbåtruter i Sogn og Fjordane frå 01.05.22

Gjeldande kontraktar om drift av hurtigbåtruter omfattar 18 ruter, inkl. ekspressbåtane frå Bergen til Sogn og Nordfjord (avtaleperiode: 01.05.12-30.04.22). Førebels planlegg vi å kunngjere ny konkurranse 20.11.19. Det kan bli aktuelt å dele opp anskaffinga i delkontraktar. Vi ønskjer å kome i dialog med bedrifter som har kunnskap om hurtigbåtdrift slik som t.d. fartøy, framdrift, miljø, regelverk, universell utforming o.l. Det var i utgangspunktet lagt opp til dialogkonferanse, men vi ønskjer i staden ein til ein møte med aktuelle leverandørar/underleverandørar. Vi har sett av tid til dialog 26.02.19-18.03.19. Vi ber om at bedrifter som kan tilføre oss nyttig kunnskap sender ein e-post til batanbod@sfj.no og ber om dialogmøte – gjerne med forslag til datoar. Dersom perioden ovanfor ikkje passar blir det høve til dialog etter påske og fram mot sommaren. Vi gjennomfører gjerne møte ved bruk av video/skype. Det kan også vere aktuelt å besøke oss i Førde, ev. at vi besøker leverandørar.