- Tittel
- Samarbeidspartnar til drift av akvakulturløyve ved Austrheim VGS
- Estimert verdi
- 150 000 000,00 kr
- Tildelingskriterium 1
Nærleik/reisetid til opplæringsarena
Opplæring skal delvis skje ute på matfiskanlegg. Dette vil i store delar av opplæringa på VG1 og VG2 vera ein del av vekeplanen. Transport til og frå anlegg bør difor vera så effektivt som mogleg. Tilbydar skal skildre lokasjon for heile produksjonslinja. Det vil bli lagt vekt på at samarbeidsbedrift har lokalitet(ar) med kort reisetid til og frå skulen i Mastrevikane.
- Tildelingskriterium 2
Bredde i produksjonslinja
Kompetansemåla i læreplanen for akvakultur krev at eleven får god og relevant opplæring i alle sider ved oppdrett av laksefisk. Dette gjeld prosessen frå smolt til ferdig produsert matfisk.
Om bedrifta også kan gje elevar (og pedagogisk personell) innsikt i forsking og vidareutvikling av akvakultur vil det kunne trekkja opp.
- Tildelingskriterium 3
Pedagogisk samarbeid
Den pedagogiske planen vil vera ein sentral del i ein søknad om tildeling av undervisningskonsesjon. Skulen vil alltid vera ansvarleg for den pedagogiske sida i opplæringa, men dette må skje i eit godt samarbeid med bedrift som leige konsesjon, og stiller anlegg til disposisjon i undervisninga. Kriteriet er delt i to:
1. Kapasitet til pedagogiske ressurs hos bedrift
Det vil leggjast vekt på at bedrifta kan vise til at det vil bli dedikerte ressursar til opplæringa. Dette vil først og fremst vera aktuelt ute på anlegget, men kan også vera ressurs som er tilgjengeleg i evt. akvahall og andre delar av opplæringa for elev.
Fordeling av kostnadar for slik ressurs vil vera del av forhandling om godtgjersle. Det som vert lagt vekt på i evalueringa av dette underkriteriet er kva pedagogiske ressursar bedrifta kan vise til og eventuell plan til å stille kompetent personell til pedagogisk arbeid tilgjengeleg.
2. Bidrag til utarbeiding av pedagogisk plan
Uavhengig av kva ressurs bedrifta kan stille tilgjengeleg vil ein sentral del vera å utarbeida pedagogisk plan saman, som skal følgje søknad. Det er eit ønskje om at bedrift deltar aktivt i arbeidsgruppe for utarbeiding av søknad og pedagogisk plan.
Bedrifta må ha ein plan for korleis undervisning kan fylgjast i periodar der anlegget er brakklagt.
Her vil det vera eit føremon om bedrifta har erfaring med undervisning og formidling retta mot ungdom/skuleelevar i regionen.
3. Relevant opplæring
Det er ynskjeleg at bedrifta legg til rette for, og gjennomføring av praktiske deler av relevante kurs. T.d. D6, truck-kurs, krankurs, VHF.
4. Erfaring
Det er ynskjeleg at bedrifta viser til erfaring med gjennomføring av pedagogisk opplegg/fagdagar i samarbeid med skule.
- Tildelingskriterium 4
Evne til å stette føremålet i § 6-1 i Forskrift om tillatelse til akvakultur for laks, ørret og regnbueørret (laksetildelingsforskriften)
Dette vil vere ei heilskapssvurdering av dokumentasjon og skildring frå bedrift om korleis den kan bidra til å stette føremålet i §6-1, 5.ledd i laksetildelingsforskriften:
“Akvakultur av matfisk til undervisning skal bidra til at undervisningsinstitusjonene skal kunne tilby attraktiv, realistisk og kvalitativ god undervisning i praktisk akvakultur og akvakulturregelverk og derigjennom bidra til rekruttering av personell med relevant kompetanse til akvakulturnæringen”
- Tildelingskriterium 5
Miljø
Austrheim vgs er eigd av Vestland fylkeskommune og fylkeskommunen følger føringane i “Utviklingsplan for Vestland 2020-2024". I denne utviklingsplanen legg ein til grunn berekraft som grunnleggjande prinsipp. Under hovudmål og strategiar finn ein Mål 2: “Klima og miljø som premiss for samfunnsutvikling”.
Det er forventa stor vekst i den marine sektoren i Norge, og den “blå åkeren” er forventa å bli ein stadig viktigare del av matproduksjonen i verda. Ein slik vekst krev at ein har berekraftige løysingar som kan gi grunn for vekst i heile produksjonskjeda.
Det vil bli lagt vekt på i kor stor grad bedrifta har eit bevisst fokus på dette, kva tiltak og prosjekt dei kan visa til for berekraftig vekst og eventuelle samarbeid med andre bedrifter og organisasjonar om miljø og berekraft.
- Kvalifikasjonskrav 1
Leverandøren skal ha tilstrekkeleg økonomisk og finansiell kapasitet til å kunne utføre kontrakten
Oppdragsgjevar vil i utgangspunktet sjølv innhente ei kredittvurdering av leverandøren. Kredittvurderinga baserer seg på siste kjende rekneskapstal. Finansiell styrke vert vurdert i forhold til omsetnad, resultatgrad, soliditet og likviditet.
Oppdragsgjevar tek atterhald om å hente inn leverandøren sitt årsrekneskap inkludert noter med styre- og revisjonsmelding frå det siste året.
Dersom leverandøren av gyldige grunnar ikkje kan leggje fram den dokumentasjonen oppdragsgjevar har bedt om, kan han godtgjere den økonomiske og finansielle stillinga si med eit kvart anna dokument som oppdragsgjevar kan akseptere.
- Kvalifikasjonskrav 2
Leverandøren skal vere eit lovleg etablert føretak
• Norske selskap: Firmaattest frå Brønnøysundregistra
• Utanlandske selskap: Godtgjering på at selskapet er registrert i bransjeregister eller føretaksregister som føreskrive i lovgjevinga i det landet der leverandøren er etablert
- Kvalifikasjonskrav 3
Leverandøren skal ha røynsle frå drift av akvakulturløyve
Kort skildring av relevante akvakulturløyve (opptil 3).
- Kvalifikasjonskrav 4
Leverandøren skal ha tilstrekkeleg gjennomføringsevne og kapasitet i høve til ytingane som skal leverast
Ei kort og overordna skildring av verksemda som inkluderer:
- Ei skildring av verksemda sin forretningsidé, overordna organisering og tal på tilsette
- Kjernekompetanse relatert til leveringa
- Kvalifikasjonskrav 5
Leverandør må ha rutinar for kvalitetssikring relevant for avtalen
Skildring av rutinar for kvalitetssikring relevant for avtalen og eventuelt vedlagt sertifisering av selskapet sitt kvalitetssikringssystem.
Dersom leverandøren er sertifisert etter ISO 9001 eller tilsvarande kvalitetssikringssertifisering, er det tilstrekkeleg å leggje ved kopi av gyldig sertifikat.